ஒரே நாளில் 3.3 மில்லியன் வாக்குச்சீட்டுகள் விநியோகம்....

 

எதிர்வரும் ஜனாதிபதித் தேர்தலுக்கான உத்தியோகபூர்வ வாக்குச்சீட்டு விநியோகம் சிறப்பாக நடைபெற்று வருவதாகவும் 51% வாக்குச் சீட்டுகள் ஏற்கனவே விநியோகிக்கப்பட்டுள்ளதாகவும் தேர்தல் ஆணைக்குழு தெரிவித்துள்ளது.

நேற்று மாத்திரம் 3.3 மில்லியன் வாக்குச்சீட்டுகள் வாக்காளர்களுக்கு வழங்கப்பட்டதாக தபால் மா அதிபர் பி.சத்குமார அறிவித்தார்.

இன்றுவரை, மொத்தம் 8.7 மில்லியன் வாக்குச் சீட்டுகள் விநியோகிக்கப்பட்டுள்ளன. மீதமுள்ள சீட்டுகள் இம்மாதம் 14ஆம் திகதி வரை தபால்காரர்களால் வழங்கப்பட உள்ளன.

14ஆம் திகதிக்குள் வாக்குச் சீட்டுகள் பெறாத நபர்கள் தங்களது அடையாளத்தை உள்ளூர் அஞ்சல் விநியோக அலுவலகத்தில் சரிபார்த்து வாக்குச் சீட்டுகளைப் பெறலாம் என்றும் தபால் மா அதிபர் அறிவுறுத்தினார்.

KBKNEWS MEDIA